Bliesmengen-Bolchen

Info

Wo Jung unn Alt sesammehalt

Geschichte

Wo de Alleberg schaut tief ins griene Tal,
wo die Großbach kummt vom alde Gräwedahl,
wo die Blies e Boo macht um die Schweyer Sitt,
do isch meine Heimat, ja do steht min Hütt.

Wo die duftsche Mischde vor de Diere stehn,
und gesunde Lifte von de Ställe wehn,
wu die Spatze krische von de Keschdebääm,
do isch meine Heimat, do bin ich dehemm.

Wo am Sunnda in de Kirsch kenn Plätz meh isch,
un die Wirtsliet hon ken Brot for uff de Dusch,
wu schun s’klennschte Biebsche sauft sin Bierglas aus,
do isch meine Heimat, do bin ich ze Haus.

Wo am Ortsingang die Goldmedaillie grießt
und dem frimde Wandrer mol, was scheen isch, wiest,
wu de Herrgott selwer so gäär wohne käm,
do isch meine Heimat, do bin ich dehemm!

B. Raab

(aus dem Heimatbuch zur 800-Jahr-Feier von 1980)