Malpera herî mezin a civakî ya Kurdan, Êdî Hemî Kurd dikarin sîstema xwe, ciyê xwe yê civanê bikar bînin û bi rengekî ewle û saxlem înternetê bikar bînin.
JI BO HEMÛ ÇAPEMENÎ Û RAYA GIŞTÎ YA KURDÎ
Di cîhana tor û înternetê ya Kurdewarî de rojekî nû dest pê dike.
Di van deh salên dawî de bi taybet jî pênc salên dawî de Kurd li her deverên ku bi torê ve têne girêdan, gelik malperên cûrbecûr ji bo peywendî û têkiliya navbera xwe û mirovên dîtir bikar tînin. Malperên wekî facebook û twitterê, an jî gelik malperên dîtir yên civakî û peywendiyê bikar tînin. Hejmara Kurdan û hejmara Kurdên ku înternetê bikar tînin hejmarekî ne kême û peywendiya Kurdan hertim bi cîhanê re di astekî bilinddeye. Lê hertim ev peywendî bi rêka sîstemên biyanî û cuda ve çêdibe. Jiber vê yekê Koma kar û projeyên nûjen yên Kurdî HÊVÎ GROUP, an jî KOMA HÊVÎ ji bo yekê jî çareyek dît û taybet ji bo Kurdan sîstemek lidar xist.
Bi amadeyî û zehmetkêşiyekî demdirêj bi awayekî ceribandin û test sîstema kes û civakî ya Kurdî dest pê kir.
Ji îro pêve malperek û sîstemekî civakî û kesane ya Kurdî jî heye.
EZUEM navê vê sîstemê ye. Malpera EZUEM îro bi awayekî fermî vebû.
Sîstema EZUEM bi awayekî berfireh û tijî dê bersiva civak û kesên Kurd bide. Herçend malper di pêvajoya avakirinêde be jî, di demekî kin de dê hemû kêmasiyên xwe sererast bike û bi awayekî baştir têkeve xizmeta kesên Kurd û civaka Kurd de.
Mebesta EZUEM ewe ku civata Kurd li hev bicivîne, cîhana Kurdî bi hemî zeravayên Kurdî, bi çand û hunera Kurdî berhev bike.
Xala herî giring ya sazkirina EZUEM ewe ku zanyarî û berhemên kesanê yên mirovan di destê tukesî de berhev nebin. Wekî ku tê zanîn malperên dîtîr yên cîhanî hemî di destê hindek hêz an jî kesan de berhev dibin û têne parvekirin. Ji ber vê yekê jî em dê EZUEM bênin astekî wisan ku zanyarî û berhemên tu kesî beyî destûra wan nekevin destê kes û hêzên dîtir de.
Hemî zanyarî û dazanînên berfireh di demekî kin de hun dê di malpera EZUEM de bibînin.
Kêmasiyên ku hîna sererast nebûyî û ji bo vê yekê dem jêre divê;
Sîstema mobîl ji bo sîstema Apple û Android jî amadeye lê di warê barkirina vîdeo û wêneyan de hîna k êmasî hene di demekî kin de ew jî çareser dibin.
Ziman û zeraveyên Kurdî hîna bi giştî bidawî nebûne û ji bo vê yekê him karmend him jî dem pêwiste. Zeraveyên Dimilî, soranî û Kurmancî têne amadekirin.
Zimanê Farisî jî tê amadekirin.
Di nava zimanên EZUEM de di serî de zeraveyên Kurdî, Kurmancî, Dimilî,Soranî, kurmancî bi pîtên erebî tên. Wekî dîtir jî; Ingilîzî, Sînî, Îspanî, Fransî, Îtalyanî, Portegîzî, Tirkî vê demê çalekin. Di demên pêş me de dê zimanên dîtir jî bêne bicîkirin.
Li her parçeyekî Kurdistanê navend û nûnertî tête danîn. Kesên ku bixwazin bi EZUEM re kar bikin tikaye peywendî deynin.
Xwedanê EZUEM ; Hêvî Group
Navenda EZUEM ; Azadî-Hewlêr
Ji bo peywendiyê: [email protected]
Ji bo karkirin bi EZUEM re; [email protected]
Malper : www.ezuem.com an jî dirêjiyên dîtir.
Ji bo her kesekî vê cîhanê xweşiya jiyanê bi ziman û çanda wîve ye.
Em hemî, kesên civakî, sazî, kom, rojname, pirtûkxane, malper, rêxistin, komele û kesên dîtir ku torê bikar tînin vedixwînine EZUEM. Bi arîkarî û desteka we em dê ve torê bikin civangehekî mezin ya Kurdî.
Silav û sipasî bo we
Hêvî Group
31.03.2013
hinzufügen eines Ezuem-stadtplans zu ihrer webseite;
Wir verwenden Cookies und andere Tracking-Technologien, um Ihr Surferlebnis auf unserer Website zu verbessern, Ihnen personalisierte Inhalte und gezielte Anzeigen anzuzeigen, unseren Website-Verkehr zu analysieren und zu verstehen, woher unsere Besucher kommen. Datenschutz-Bestimmungen
